Банк картаны блоктоду. Эмне үчүн мындай болду жана мындан ары эмне кылуу керек

Банктын негизги максаты – сиздердин акчаны сактоо жана алар менен богон мыйзамсыз операцияларды болтурбоо. Картаны блоктоо – финасылык уюмдар аманаттарды алдамчылардан коргоо үчүн колдонгон ыкмалардын бири. Карта боюнча операцияларды токтото туруунун бул жана башка себептерин расмий порталдардан жана банктын эрежелеринин тизмегинен билсеңиздер болот. Картаны блоктоо эмне себептен жүргүзүлөрү – СберСованын материалдарында

Картаны эмне себептен блоктоду

Банктык картанын компрометациясы аны блоктоо үчүн негиз болушу мүмкүн.

Банк төмөнкү учурларда карта жөнүндө негизги маалыматтар кетип жатканын шектенет:

• Кардар карта боюнча типтүү эмес операцияларды жүргүзөт. Банк кардардын бул аракетин шектүү деп баалап, картаны блоктошу мүмкүн. Мисалы, эгер картасын сатып алуулар үчүн гана колдонуп жүргөн пенсионер бир учурда эле кайсы-бир эсепке бир же бир нече ири которууларды жүргүзсө.
• Кардар товарга же кызмат көрсөтүүгө коопсуз эмес сайт аркылуу төлөсө.
• Кардар ПИН-кодду үч жолу туура эмес жазса.
• Финансылык уюмда карта уурдалганы жөнүндө маалымат болсо.
• Банктын фрод-мониторинг тутуму картадан алдамчылардын реквизитине которууларды белгилесе.

Блоктоонун так себебин билүү үчүн банктын техникалык жардамына жазууга, расмий сайтта көрсөтүлгөн телефон боюнча чалууга же мобилдик тиркемедеги операторго суроо менен кайрылууга болот.

Банк картаны 115-ФЗ боюнча блоктоду. Бул эмнени түшүндүрөт?

Картаны 115-ФЗ боюнча блоктоо – бул банктын өз билемдиги эмес, бул шектүү финансылык операцияларды аныктоо үчүн Борбордук банк тарабынан белгиленген эрежелердин иштеши.

Картаны блоктоо банк кардарды мыйзамсыз финансылык операцияларды – мисалы, кылмыштуу жол менен алынган акчаларды адалдоону жүргүзгөндүгүнө шектенген учурда да болушу мүмкүн. «Кылмыштуу жол менен алынган кирешелерди легалдаштырууга жана террорчулукту каржылоого каршы аракеттенүү жөнүндө» Федералдык 115-ФЗ мыйзамына ылайык, банктар кардарлардын бардык операцияларын текшерүүсү жана шектүү – мисалы, накталай эмес акчаларды накталайга мыйзамсыз которууга же акчаларды чек арадан сырткары мыйзамсыз чыгарууга окшош операцияларды аныктоосу керек.

Эгер кардар экономикалык мааниге ээ эмес акчалай операция жүргүзсө: мисалы, товарды сатып алып, аны арзандатуу менен тез сатса, банк аны шектүү деп эсептейт. Ошондой эле, эгер кардар жеке жактардын эсебине акчаларды жүйөлүү негизсиз дайыма которо берсе жана каражаттарды дайыма накталайга айланта берсе.

Компаниянын ишинин негизги түрү үчүн мүнөздүү болбогон операциялар, ошондой эле аны салык декларациялары менен тастыктоого мүмкүн болгон товарды ташып келбестен резидент эмеске акча которуу да ушу категорияга туура келет.

Акчалай операциялардын мыйзамдуулугун кантип далилдөө керек

Алсак, операцияларыңыздын легалдуулугу боюнча банктын шектенүүлөрүнө сиз макул эмессиз. Финансылык уюм сизден ал эсептеги акчалардын кайдан алынгандыгы жана операциялардын негизи жөнүндө маалымат сурай алат. Банк менен кызматташыңыз: ал кызыкдар болгон маалыматтарды белгиленген дарекке өз мөөнөтүндө жибериңиз. Иштин натыйжасы өзүңүзгө пайдалуу болушу үчүн өз кадамыңызды так баяндаңыз.

Карта 115-ФЗ боюнча блоктолгон учурда, банк зарыл документтерди беришиңизди өтүнөт.

Алардын ичинен:

• жеке жактын кирешелери жана салыктын суммасы жөнүндө маалымкат. Ал мурда 2-НДФЛ маалымкаты деп аталчу;
• салыктык декларация3-НДФЛ;
• башка банктардын эсептери боюнча көчүрмө эмитент тарабынан күбөлөндүрүлгөн;
• кирешелериңиз жөнүндө маалымат менен башка документтер.

Акыркы пунктка токтолуп, чечмелейли, киреше булагына жараша ар бир учур үчүн кайсы документтер керек.

• Эгер бул эмгек акы, иш-сапардын чыгымдары же отчеттук каражаттар болсо, анда: эмгек китепчесинин көчүрмөсү, тиркемеси менен эмгек келишими, ишке кабыл алуу буйругу же ГПХ келишими, кызматчыны иш сапарга жөнөтүү боюнча буйрук, отчеттук каражаттардын берилгендиги жөнүндө маалымкат.
• Киреше булагы — келишим боюнча жеке жана юридикалык жактардан түшкөн болсо, анда: бардык тиркемелери жана кошумча макулдашуулары менен келишим, кабыл алуу-өткөрүп берүү актысы, кызмат көрсөтүү актысы, тил кат, накладной, алгандыгы жөнүндө дүмүрчөк, сатылуучу товарга ээлик укугун тастыктоочу документтер, юридикалык жактын дарегине мурда сиз зайым бергендигиңизди тастыктаган документтер, киреше-кассалык ордерге дүмүрчөк, төлөм-тапшырыгы, башка банкта ачылган эсеп боюнча көчүрмө.
• Эгер кирешеси дивиденддер болсо, анда: катышуучулардын чечими же акционерлердин жалпы чогулушунунун дивиденддерди төлөө жөнүндөгү протоколу, акционерлердин реестринен көчүрмө, дивиденддерди төлөөдөн НДФЛ төлөгөнүн тастыктоочу документтер, ишкананын дивиденддерди төлөө учурундагы балансы.
• Кирешелер мен үчүн ЖИ катары ачылган эсебимден түшкөн учурда, анда төмөнкү документтер болушу мүмкүн: жеке ишкердин эсеби боюнча көчүрмө, салыктарды, жыйымдарды жана башка милдеттүү төлөмдөрдү – төлөм тапшырыгын төлөгөндүгүн тастыктоочу документтер, анын ичинде, үчүнчү жак төлөгөн болсо, салыктарды, жыйымдарды төлөгөндүгү жөнүндө дүмүрчөктөр, салык төлөө үчүн негиздин жоктугун тастыктоочу документтер.
• Киреше- жеке жактардан түшкөн башка каражаттар болсо, анда төмөнкүлөр болушу мүмкүн: алардан акча түшкөн жеке жактар менен өз ара иштешүүнүн экономикалык мүнөзү жөнүндө жазуу жүзүндөгү түшүндүрмө, аларды тастыктоочу документтери менен, түрдүү жыйымдардын алкагында – аларда реквизиттери жана каражатты жыйноонун максаты көрсөтүлгөн контентке же интернет-ресурска шилтеме.
• Эгер киреше криптовалюта менен операциялардан түшсө, анда мүмкүн болуучу документтер: криптовалюта сатып алынган-сатылган биржанын/алмаштыруучу жайдын дареги, бүтүм жасоого колдонулган никнейм же колдонуучунун аты, жеке кабинеттин профилинин скриншоту, ал аккаунттун ээсин аныктоого мүмкүндүк берет, криптовалютаны сатып алуу-сатуу транзакциясынын баяны – бүтүмдүн датасы, курсу, сатып алынган/сатылган криптовалютанын саны менен көчүрмө, жабык позициялардан санариптик ар бир валюта боюнча криптовалютаны соодалоонун натыйжалары боюнча киреше жана чыгаша жөнүндө отчет. Эгер криптовалютаны сатып алуу жана сатуу боюнча бүтүм түрдүү биржаларда/алмашуу жайларында жүргөн болсо, анда саналып өткөн пункттар боюнча документтер жана түшүндүрмөлөр бардык аянтчалар үчүн берилет.

Эгер варианттардын бири да сизге туура келбесе, түшүндүрмөнү эркин формада жөнөнтүүгө болот. Кирешени кандай, кайсы булактан алганыңызды тастыктоочу документтер менен көрсөтүңүз. Тастыктоочу документтер жок болсо, себебин белгилеңиз.

Карта боюнча операцияны эмне үчүн чектешет

Карталар жана эсептер менен алдамчылык аракеттер жөнүндө маалымат ББнын атайын базасына түшүп турат – укук коргоочулар менен финансылык уюмдар бул маалыматты пайдаланып, аларды толуктап тура алышат.

Эгер кардарды Россия Банкынын алдамчылык операциялар жөнүндө маалыматтар базасына киргизсе, анда 2025-жылдын 15-майынан тартып ага чектөө киргизилет – өзүнө же башка адамдарга бир айда 100 миң рубль гана которо алат.

Маанилүү: алдамчы операциялар жөнүндө маалымат ББнын базасына укук коргоочулардан түшсө, анда банк кардардын картасын жана онлайн-банкка жеткиликтүүлүгүн блоктоого милдеттүү.

Эмне үчүн лимит 100 миң?

Сумма дропперлик менен алектенүүгө – мыйзамсыз акчаларды чыгарууга жана накталайга алмаштырууга мүмкүндүк бербейт. Ошол эле маалда бул каражат жашоого маанилүү сатып алууларды жана төлөмдөрдү жүргүзүүгө жетиштүү.

Өзгөчөлүк

Юридикалык жактардын дарегине төлөмдөргө бул чектөө колдонулбайт. Тактап айтканда, алдамчы операциялар жөнүндө маалымат базасындагы адам картасын колдонуп онлайн-дүкөндөрдө жана маркетплейстерде сатып ала берет.

115-ФЗ боюнча блоктоодон алыс болуу үчүн СберСованын кеңеши

1. Акчаны өзгөчө эсептерге которбоңуз.
2. Акча иштеп табууга шектүү сунуштарга макул болбоңуз.
3. Ири сумманы накталайга алмаштырбаңыз.
4. Картаңыздагы маалыматтарыңызды үчүнчү жакка бербеңиз жана санарип гигиенасын сактаңыз.
5. Шек жаралганда, банктын кызматкерлери менен кеңешиңиз.
6. Бизнес боюнча акчалай операциялар үчүн корпоративдик эсеп счетун колдонуңуз.
7. Катардагы тирчилик операциялар – супермаркетте сатып алуу, балага же ата-энеге дайыма которуп туруу – буларга маселе жаралбайт. Бирок шектүү операцияларды аныктоо үчүн атайын критерийлер бар: сиз акча которуп жаткан өзгөчө көп сандагы адамдардан, утушту алганга чейин.
8. Сиздин операцияларыңыз документтер менен тастыкталгандай же түшүндүрүлгөндөй болсун. Бул жада калса талаш маселени да тез чечүүгө жардам берет.